HiLdUr BjÖrK

Sumar

Wed, 08 Jul 2009 20:59:10 GMT

Langt síðan síðast en er að velta því fyrir mér hvort að ég eigi nokkuð að vera að þessu held að allir séu löngu hættir að kíkja hingað hvort sem er... en annars það sem að er að frétta af mér er bara að við erum bara heima í eyjum og erum að vinna á fullu ég í Vínbúðinni og Skýlinu og Arnór í Geisla.. þannig að það er alveg nóg að gera hjá okkur.
Fórum í útilegu um daginn við Arnór.. fórum á föstudagskvöldi og tjölduðum í Skaftafelli fyrstu nóttina, fórum svo á laugardeginum og skoðuðum jökulsárlón sem að var frekar skítugt og mikið af sandi, keyrðum svo á Höfn og á Djúpavog en það er bær sem að kom mér skemmtilega á óvart rosalega fallegur staður.. Síðan var leiðinni haldið á Egilsstaði og gistum við svo í Atlavík í Hallormstaðaskógi sem að er einnig mjög flottur staður og væri alveg til í að fara þangað aftur og vera lengur en eina nótt og þá að skoða meira.. Á sunnudeginum fórum við í sund inn á Egilsstöðum og héldum svo leið okkar norður yfir öræfin og skoðuðum við Dettifoss og Ásbyrgi sem að var rosagaman. Síðan fórum við inn á Húsavík og flott að sjá hvernig húsvíkingar eru búnir að gera í kringum hvalaskoðunina mynnti mig bara á útlönd.. síðan keyrðum við inn á Akureyri og borðuðum á Bautanum.. Sunnudagsnóttina tjölduðum við svo á Hrafnagili.. Mánudagurinn fór svo í það að keyra Kjöl aftur til baka og voru Hveravellir skoðaðir.. þannig að við keyrðum 1400 km þessa ferðina en rosa gaman og gamana að geta loksins sagt hafa komið á þessa staði :D
Nú er maður kominn á bragðið og langar bara meira og meira það er alltaf svo gaman í útilegu :D
Goslokin búin og var geðveikt að gera í vinnu og fer að styttast í þjóðhátíð sem að verður önnur eins og meiri geðveiki í vinnu en bara fínt.. Fórum í Bakkafjöru í gærkvöldi í geggjuðuð veðri og hittum aðrar sveitir í kring var það rosagaman að koma þangað og sjá aðstæður og hvað þetta er í rauninni nálægt ekki nema 20 mín á Þór ;D

Nú eru ekki nema 23 dagar í Þjóðhátíð og sumarið fer að verða búið :( Styttist í skólann.. finnst ekki smá skrítið að vera búin með 1 ár í Háskóla og ekki nema 3 eftir.. þetta er ekki smá fljótt að líða....

Hildur Björk

Styttist í próf!!

Sun, 19 Apr 2009 20:28:03 GMT

Jæja þá er formlegum skóladögum lokið þessa önnina og við taka próf. Verklegt próf á miðvikudaginn og síðan viku upplestrar frí og fyrsta prófið 30.apríl. Ég er nú orðin frekar stressuð en þetta á vonandi bara eftir að ganga vel..
Var á flugslysaæfingu á keflarvíkurflugvelli í gær.. það var mjög gaman en samt fannst mér það soldið spes þar sem að ég er auðvitað ekki vön þessar stærð en það var gama að prufa þetta. Síðan var Árshátíð hjá Björgunarsveitinni Suðurnes og var það bara mjög gaman. en vorum orðin frekar þreytt þar sem að við vökuðum kl 5 til að leggja af stað frá Rvk.. þannig að ég var orðin frekar þreytt um kvöldið og fórum við aftur í bæinn um 1 leytið. Sofið var til 13:00 og svo bara slappað af og legið í leti í dag og í kvöld.. siðan hefst lærdómurinn/þrældómurinn aftur í fyrramálið.
Hildur Björk

Langar í sumar

Thu, 02 Apr 2009 23:00:12 GMT

8|Langar svo í sumar. Vildi óska þess að ég væri bara að fara í sumarfrí en ekki í páskafrí.
3 dagar eftir af skólanum fram að páskafríi og svo 3 dagar eftir páska og svo er komið að upplestrafríi og prófum. Var í eyjum um helgina og er að fara aftur á þriðjudaginn og verð í viku. Hlakkar til en þó fara páskarnir bara í lærdóm. Planið er allavega að reyna að vera rosalega dugleg að læra um páskana.
Ég datt áðan svona flækti fótunum saman og féll á hnén á götuna og vá ég er smábarn ég fékk smá rispur á hnéð og mér svíður enn í sárin 8| og svo hruflaði ég á mér lófana.. leið alveg eins og fífli því að þetta gerðist við gömluhringbrautina og ég datt út á götuna ... en svona er þetta bara.

Hildur Björk

JÁ SÆLL!!

Sat, 21 Mar 2009 19:06:12 GMT

Ég fæ alltaf smá panikk þegar ég skoða stundatöfluna mína og ég komst að því að það eru 3 kennsluvikur eftir af skólanum !!8|
Ekkert smá fljótt að líða þetta skólaár!!

Fór í klippingu og litun til Auðar á Þriðjudaginn og kom það bara rosa vel út. :D Takk fyrir það :)
Við frænkurnar vorum með frænkukvöld síðasta föstudag og var það rosalega gaman eins og alltaf reyndar alveg skíta veður og fór ég því frekar snemma heim. En alltaf gaman að hittast og þurfum að endurtaka aftur.
Er að fara heim til eyja næstu helgi. Er að fara að halda Björgunarleika fyrir Björgunarfélagið. Ég verð í einhverju smá fríi út af því að það er verið að fara að kenna Skyndihjálp í skólanum og ég þarf ekki að taka það þannig að ég verð bara í fríi í staðinn. Veit ekki alveg hvenær ég fer heim hvort að það verði mið, fim eða fös.. en það kemur í ljós eftir helgi.
Gúa systir var að keppa í gærkvöldi og í dag bæði í handbolta og fótbolta og kíkti ég á nokkra leiki hjá henni sem að var bara gaman..
En annars er það bara lærdómur í kvöld og á morgunn geri ég passlega ráð fyrir enda orðið skuggalega stutt í próf 8|
Hildur Björk

Langt á milli en er þó ekki dautt ;D

Mon, 09 Mar 2009 22:51:03 GMT

Verknámið búið og bara ritgerðin eftir.. þetta var rosa skemmtilegt og miklu skemmtilegra en ég bjóst við :D er nú reyndar farin að kvíða soldið fyrir ritgerðinni því að mér finnst verkefnið svo óljóst einhvað en það kemur vonandi bara vel út :D
Mamma, pabbi og Gúa komu upp á land um helgina og var farið á föstudaginn að kaupa fermingadress á Gúu og viti menn allt klárt kl 12:30 aldrei gerst áður ;) En svo lá leið okkar upp í bústað upp í Grímsnesi og var það voða næs bara legið í leti, farið í pottinn og fengið smá dekur ;D grillað ofan í mann bæði kvöldin og svona.. voða næs og alltaf gaman að hitta fjölskylduna sína :D..
Nú tekur bara lærdómur við en ég er að fara í 5 daga frí svo skóli í 1 dag og svo aftur 2 daga frí þetta er út af því að hinn hópurinn er í verknáminu.. en það er sko ekkert frí hjá mér ritgerð og meiri lærdómur nú er það bara harkann því að það er sko ekki langt í prófin!! maður er strax farinn að kvíða smá fyrir þeim :S....
Við frænkurnar ætlum að endurtaka frænkukvöldið og ætlum við að hittast heima hjá Helgu Jóhönnu á föstudagskvöldið það verður örugglega bara gaman.. allaveg svaka gaman síðast hjá okkur ;D
En hafið þið lesið Ljósaskipti / Twilight eða séð myndina gvuuð hvað maður verður húkkt!! ég er ekki að grínast er búin að lesa bókina og búin að kaupa framhaldið á ensku og búin með hana. Ég er örugglega búin að horfa á myndina svona 20 sinnum eða oftar 8|og svo langar mér svo að kaupa hinar bækurnar á 2 eftir og svo er verið að skrifa 1 í viðbót... arrrgg maður er ekki í lagi heheh :S En ég er sko ekki ein.. Gúa er alveg eins heheh...

Fór í sturtu áðan og haldiði ekki að hárburstinn minn sé ekki í töskunni minni sem að er aftur í í bílnum mínum og hann og Arnór eru í Keflavík þannig að ég er búin að vera hérna eins og einhver fuglahræða með hárið út um allt og krullurnar sem að eru komnar... arrrrrggg ekki til að gleðja mig !!! Langar svo að fara í klippingu og er að fara en ekki fyrr en í næstu viku.. Auður ætlar að klippa mig og lita en hún er að læra hárgreiðslu það verður fróðlegt að sjá hvort að ég komi heim með bleikt hár eða einhvað heheh nei nei segi svona.. hef fulla trú á henni :D
En þetta er nóg í bili

Hildur Björk

Loksins nýtt blogg

Fri, 20 Feb 2009 09:58:41 GMT

Kannski kominn tími á smá blogg.

Ég er búin að vera í skólanum að fullu síðustu vikurnar. Enda nóg að gera.. fullt af verkefnum og verklegu fyrir utan þessa venjulegu fyrirlestra. Ég er að fara að byrja í verknámi á þriðjudaginn og er farin að hlakka til. Er að fara á Landakot og gaman að prufa að vinna við það sem að maður er að læra. Þó svo að öldrunarsvið sé ekki mitt áhugasvið þá þarf maður að byrja einhversstaðar. Þetta verður vonandi bara gaman en samt örugglega strembið.

Annars erum við bara búin að gera lítið annað en að vera í skólanum. Fórum heim fyrstuhelgina í feb. Í tvítugs afmæli hjá Bjarna var það bara ágætt. Stefnan verður ekki setta á eyjar næst fyrr en 27.mars þannig að það er smá úthald núna. Enda nóg að gera í skólanum og að læra.

Arnór er að fara á Wilderness. Þriggja helga námskeið.. þannig að ég hef nógan tíma til að vera ein heima að læra. 6 mars verður svo endurtekning á frænkukvöldinu hjá okkur frænkunum það verður örugglega bara gaman.

Allavega alveg nóg að gera hjá mér og er orðin soldið stressuð fyrir verknáminu :S

Hildur Björk

JESSSS

Mon, 26 Jan 2009 16:37:43 GMT

Ég fæ að halda áfram í skólanum :D

fullt nýtt..

Thu, 22 Jan 2009 20:45:29 GMT

Jæja ég er loksins búin að fá að vita úr prófunum og ég náði þeim en ekki nógu vel til að halda áfram þannig að ég þarf að hætta í skólanum og reyna aftur í haust :evil: sem að er ógeðslega fúllt því að það var svo gaman núna þegar maður var loksins kominn í verklegt og þannig fjör.. En þetta verður bara vonadi tekið með trompi í haust.
En sökum þess ákvað ég að skrá mig í fjarnám í Efnafræði 313 til að vera betur sett með efnafræðina var ekki alveg að skilja hana í haust :$ Svo var ekkert annað en að fara að leita sér að vinnu og byrjaði ég á mánudaginn að gera umsóknir og fékk svo svar í dag. Á að mæta á mánudaginn og þá á að kenna mér og svo verð ég að vinna frá 11-19 alla daga og aðra hverja helgi. Sem að er mjög fínt. Bjóst sko ekki við því að fá vinnu neitt í bráð.. en mamma segir að ég hafi fengið vinnu þvi að ég er orðin svo gömul...hehe. En annars er bara búinn að vera dugnaður þessa vikuna og farið í ræktina á hverjum degi.
Lórey og Ásgeir eru svo að koma til okkar á mrg og ætla að gista hjá okkur aðra nótt þannig að það verður farið einhvað út að borða, fengið sér í glas og einhvað meira fjör..
Svo erum við frænkurnar búnar að plana annað frænkukvöld föstudaginn 6 mars heima hjá Helgu og er maður strax farinn að hlakka til.. enda var það bara gaman síðast.
Munið svo eftir Bóndadeginum á morgunn.. veit ekki alveg hvað ég ætla að gera. Í fyrra gerði ég bara eins og þeir í VKB sögðu gaf Arnóri kippu af bjór og svo var nautasteik í kvöldmatinn ætli maður geri ekki einhvað svipað á morgunn...

Hildur Björk

nýtt ár.... nýtt blogg

Sat, 10 Jan 2009 21:07:24 GMT

Gleðilegt Ár og takk fyrir það gamla...

Jólin og áramótin voru æði.. vorum heima í eyjum og vá hvað það var næs að þurfa ekki að elda sjálfur hehe... ég fékk vinnu í ríkinu og var að vinna frá 18 des og fram yfir áramót.. það var bara mjög gott að fá smá vinnu. En þar af leiðandi hvarf jólafríið mjög fljótt.. það var ósköp lítið djammað þessi jólin fórum á SSsól ball og það var eiginlega það eina.. fórum í partý á áramótunum en ekki á neitt ball þannig að við komum eiginlega bara með allt áfengið með okkur til baka. Komum svo til rvk 5 jan og er skólinn byrjaður með látum bara. þarf að taka 2 próf aftur.. eitt út af því að ég féll og hitt til að ná upp meðaleinkunninni til að fá að halda áfram. prófin verða á mán og þri.. og svo taka við 2 vikur í bið um að fá að vita hvort að ég megi halda áfram í skólanum eða ekki. ég held að það eigi eftir að verða mjög erfiðar vikur. Annars lýst mér bara vel á skólann núna.. núna finnst mér eins og ég sé í hjúkrunarfræði en ekki framhaldsskóla. þannig að ég vona að ég nái að halda áfram..
En er bara búin að vera ein heima um helgina Arnór stakk af til eyja út af þrettándanum en ég komst náttlega ekki út af því að ég þarf að læra..
wish me luck!!

Hildur

Jól

Wed, 24 Dec 2008 15:12:51 GMT

GLEÐILEG JÓL Allir :**

Smá lærdómspása..

Wed, 10 Dec 2008 22:58:02 GMT

Bara eitt próf eftir!!! ég get ekki beðið... ég er eiginlega bara búin að vera að læra og læra og læra síðustu 2 vikur..og þetta er alveg að fara að taka enda bara á föstudaginn...
Veit eiginlega ekki hvað ég á að skrifa meira enda ekki mikið búið að gerast hjá mér undanfarið.. nema kannski ég fór á jólahlaðborð hjá BS.. fengum hangikjöt mmm smá forskot á sæluna.. og svo var ég í sjúkragæslu á tónleikunum með Bjögga Halldórs á Laugardaginn var það bara mjög fínt og flottir tónleikar... reikna með að fara í gæslu aftur á laugardaginn en það kemur í ljós.. En það styttist í að við komum heim til eyja ekki nema 4 dagar :D er nú samt soldið farin að kvíða því að þurfa að fara í dallinn 8| víst algjör veltikoppur eftir að ugginn bilaði en það þýðir það bara að maður dópar sig upp og fer beint í koju... best að fara að kíkja aftur á (Þræl)lærdóminn!!!!

Blogg hvað er það??

Thu, 27 Nov 2008 16:18:52 GMT

6 dagar í fyrsta prófið og stessið alveg komið á fullt...
Maður gerir lítið annað núna en að læra og læra og aðeins meira að læra... en vonandi á þetta bara eftir að ganga vel en maður veit svo sem ekki fyrr en í janúar.

Ég tek síðasta prófið 12. des. en er samt ekki alveg búin að ákveða alveg hvenær ég kem heim. Við erum hins vegar búin að ákveða hvenær við förum aftur "heim" til rvk en það veður 7. jan. Þá byrjar skólinn aftur hjá Arnóri. Ég held samt að minn byrji ekki fyrr en 12.jan það fer reyndar efir útkomuni úr prófunum.

Búin að kaupa einhvað af jólagjöfum en á nokkrar eftir.. Það er alltaf verið að spyja mig hvað mig langi í og ég er bara hreinlega alveg tóm, veit ekkert hvað mig langar í.

Ég er nú reyndar komin i smá jólastuð.. búin að baka eina sort og það er búið að borða hana líka þannig að ég þarf að fara að baka aftur.. svo alltaf að hlusta á Létt Bylgjuna því að það er svo mikið af jólalögum á henni.. verð svo örugglega alveg komin með nóg af þessu of snemma.. en ég vonan það ekki..

En já ég ætla að hætta þessu bulli og fara aftur að Læra!!

Hildur Björk

Helgin og það sem að er framundan

Sun, 16 Nov 2008 20:11:41 GMT

Jæja þá er þessi helgi að líða og alltaf styttist meira og meira í prófin8|
Var um helgina að kenna Fyrstu hjálp 1 á Suðurnesjum og var það bara fínt. Er reyndar frekar mikið þreytt eftir þetta en það fylgir þessu bara. Kom svo heim um 6 leytið og fékk mér magic og ætlaði að fara að læra en ég held að ég hafi bara orðið þreyttari... en er allavega á 2 maic núna og ég varð að taka mér smá pásu þvi að ég var alveg að sofna. Ætla nú samt að reyna að klára sem mest af því sem að ég þarf að gera í dag og fara snemma að sofa enda veitti ekki af því að komandi vika verður bara í því að LÆRA!! næst síðasta vikan er að byrja í skólanum og stressið er alltaf að magnast meira og meira.. en það er bara gott upp að vissu marki að vera stressaður og undir álagi.
En ég var í gæslu í gær á tónleikunum í Laugardalshöll og voru þeir að mínu mati alltof langdreignir.. hefðu alveg mátt vera styttri.. voru frá 20:00-24:00 og var ég orðin frekar þerytt og illt í fótunum eftir að vera búin að standa frá því um kl 9 um morguninn.. vont en það venst..og svo var heldur ekkert að gera hjá okkur við vorum allaveg að búast við smá fjöri en nibb eiginlega ekki neitt. Fór nú reyndar líka í sjúkragælu á froðuballi á Tunglinu það var einhvað skólaball hjá MH held ég man það ekki en það var bara ágætt allavega aðeins meira að gera þar þó að það hafi samt verið frekar lítið.
Annars er lítið að frétta hjá mér... Stefni svo bara á það að fara til eyja þegar ég er búin í prófunum þannig að það er úthald núna og svo tekur maður bara langt og gott jólafrí í eyjum.
Jæja á ég að halda áfram að læra eða að fara bara upp í sófa horfa á Dagvaktina og fara svo að sofa???

Hildur Björk

Síðustu vikur.

Thu, 06 Nov 2008 20:05:01 GMT

já ég held að það sé löngu kominn tími á blogg.. hehe

en já allavega bústaðarferðin þar síðustu helgi var mjög fín. Komum frekar í seinni kanntinum elduðum kjúkling sem að vildi ekki eldast :S en það reddaðist með eftirréttnum sem að ég bjó til. síðan var spilað Partý og co sem að var bara mjög gaman við Arnór unnum næstum því.. síðan var bara spjallað og endað á því að fara í pottinn sem að ég verð að segja að var ekki 8 manna.. heldur kannski svona fyrir 4. en þetta reddaðist. ´Sofið var til hádegis og eftir það fóru strákarnir nema Sindri í göngu einhvert.. og við Lórey og Sindri vorum eftir.. við skelltum okkur í pottinn enda var geggjað veður og spjölluðum með einn kaldann síðan fórum við að spila þangað til að restin kom aftur.. þá fóru þeir í pottinn síðan var grillað og síðan var farið í drykkjuleik þar sem að Lórey og Arnór fóru á kostum í að segja já og nei enda var það bannað.. enda fór þetta soldið vel í fólk og flestir orðnir VEL fyrir kl 12. þetta endaði svo að sumir fóru í rúmið og aðrir í pottinn. Daginn eftir var svo bara tekið því rólega og horfðum á mynd og fórum svo að þrífa og fórum svo einhvað um 3 leytið. þetta var bara mjög gaman en kannski bústaðurinn ekkert til að hrópa húrra fyrir en svona er bara lífið...
Síðan tók bara við skóli og lærdómur þangað til kom að næstu helgi en þá ákváðum við Arnór að skella okkur til eyja.
Ætluðum með flugi á föstudeginum en þá var ófært þannig að við komum á laugardagsmorgninum og komum mömmu, pabba og Gúu á óvart, en þau vissu ekkert að við ætluðum að koma. En það var mjög gaman. Svo um kvöldið skelltum við okkur á Verslunarmannaball með Flugfélaginu og var það mjög gaman. Sálin spilaði svo á ballinu og var eiginlega ekki hægt að dansa almennilega fannst mér.. tríkot spiluðu reyndar þarna á milli 11 og 12 og þá var geggjað stuð og við Lórey dönsuðum af okkur lappirnar. hey já við komum ásgeiri og Lórey líka á óvart og hittum þau á ballinu það var frekar gaman. Við fórum svo heim um hálf fjögurleytið og var það bara mjög fínt.
Ætluðum að fljúga heim aftur en nei nei það var svartaþoka þanniga að við þurftum að taka dallinn og vá hvað það var mikið að fólki með skipinu hef ekki séð svona mikið í mörg ár.. við erum að tala um það að við þurftum að bíða í korter í röð eftir að geta keypt miða.
En já svo er vikann bara búinn að líða með skóla, fundi hjá BS og læra.. er reyndar að fara í badminton á morgunn með stelpunum í skólanum og er það bara gaman.
En um helgina er svo frænkukvöld hjá okkur frænkunum og verður það örugglega bara gaman held að við höfum ekki hisst svona margar í mörg ár.. þetta verður alveg pott þétt bara stuð.
Annars er svo bara lestur og lærdómur það sem eftir er enda er farið að styttast allverulega í prófin ekki nema 26 dagar í fyrsta prófð og er maður orðinn nokk stressaður yfir því. þetta tekst vonandi...
En já þetta er orðin ágætis romsa hjá mér.. endilega commentið.. því að það er svo gaman :D Ætti ekki að vera eyða meiri tíma í vitleysu og fara að læra!!

Hildur Björk

Bústaður :D

Thu, 23 Oct 2008 23:02:26 GMT

Vikan er búin að frekar fljót að líða.. búin að fara á fyrstuhjálpar æfingu hjá BS. læra og aftur læra og fara í skólann... en já bústaðaferð um helgina í úthlíð það verður pott þétt geggjað stuð.. en stay tuned :)

Hildur Björk